အမှန်တွေပြောတဲ့ ရှင်စောပု

ရှင်စောပုလဲ အမှန်တွေ သိတ်ပြောတာပဲ

ရှင်စောပု မိဖုရားကြီးက ဘုန်းကြီးကျောင်းသွားခါနီး သူ့အခြွေအရံများကို ပြောနေသည်မှာ -
ထိပ်ထား တစ်ခုသတိပေးချင်သေးတယ်။
သမီးတော်တို့ရော သေသေချာချာနားထောင်ကြနော်။
ယခုမယ်မယ်တို့ သွားရမှာက ရဟန်းတော်တွေ သီတင်းသုံးတဲ့ နေရာ၊
မယ်မယ်တို့ ချယ်သထားတာက တကယ့်ပွဲလမ်းသဘင်သွားမယ့်အတိုင်းပဲ။

မိန်းမတစ်ယောက်ရဲ့ ၀တ်စားဆင်ယင်မှုနဲ့ အမူအရာတွေဟာ
ဆန့်ကျင်ဘက် ဖြစ်တဲ့ ပုရိသတွေကို ဆွဲဆောင်နိုင်စွမ်းရှိတယ်။
အဆန်းတကြယ် ပြင်ဆင်မွမ်းမံမှုက ညှို့ယူလိုက်တဲ့အတွက်
သူတို့မှာ ပူလောင်တဲ့ဆန္ဒ ဖြစ်လာနိုင်တယ်လေ။

ဒီလို သူ့စိတ်ကို အမှောင်ရိပ်လွှမ်းသွားတာနဲ့ တပြိုင်နက်
သူ့မှာ အပြစ်ဖြစ်ရသလို သူ့ကိုပူလောင်အောင် ၀တ်ဆင်ထားတဲ့
မိန်းမမှာလည်း တန်းတူ အပြစ်ဖြစ်ရတယ်။

ဒီတော့ ကိုယ့်ရဲ့အနေအထိုင်ကြောင့် တစ်ပါးသူတစ်ဦးကို ဘယ်တော့မှ
အမှောင်မလွှမ်းသွားပါစေနဲ့။
သမီးတော်တို့ . . . ရဟန်းတော်တွေဆိုတာကလည်း
အာသဝေါကုန်းခမ်းကြသေးတာ မဟုတ်ဘူး။

ပုထုဇဉ်တွေပဲဖြစ်လို့ ပြာဖုံးနေတဲ့ မီးခဲတွေပါပဲ။
ဒီမီးခဲတွေကို သမီးတော်တို့ရဲ့ တပ်မက်စရာ ရူပါရုံဆိုတဲ့ လေပြေတစ်ချက်မွေ့လိုက်ရင် . . .
ထိပ်ထား မဆက်ပါရစေနဲ့တော့ကွယ် . . . ။

ဒါကြောင့် သင့်တင့်ရုံပဲ ပြင်ဆင်ကြ၊ ခေါင်းကပန်းတွေဖြုပ်လိုက်။
မှုံနံ့သာတွေကိုလည်း ဖျက်လိုက်ကြပါဦး။
လုံလုံခြုံခြုံဝတ်ဆင်ပြီး မြင်ရသူစိတ်ထဲမှာ
နှမငယ် သမီးငယ်တစ်ယောက်လို
ကရုဏာပွားလာအောင် ပြောဆို ဆက်ဆံကြပါကွယ်။

မသန်းသန်း (မန်းတက္ကသိုလ်)၏ ရှင်စောပု အမည်ရှိ စာအုပ်မှ။
ဒါကြောင့်ဆရာတော်ဘုရားကြီးတွေ ဆုံးမကြတယ်။
ပစ္စည်း ၊ မာတု ၊ ထိုနှစ်ခု
ဘိက္ခု သေမင်း ဓားနှစ်စင်း။ တဲ့ . . . .

မြန်မာနိုင်ငံကြေးခေတ်များမှာ တွေ့ရှိရသည့်ပုတီးစေ့များ

ဟာရပ္ပနဲ့ မိုဟမ်ဂျိုဒါရိုတွေ့ ယာယီအမည် အိန္ဒူမြစ်ဝှမ်း
ယဉ်ကျေးမှုမှ ပုတီးစေ့တွေနဲ့ ပျူခေတ်ပုတီးစေ့တွေကို
နှိုင်းယှဉ်လေ့လာနိုင်ရန်ဖြစ်ပါတယ်။

မြန်မာနိုင်ငံကြေးခေတ်ဒေသများမှာ တွေ့ရှိရတဲ့
ပုတီးစေ့များဟာ အိန္ဒူမြစ်ဝှမ်းယဉ်ကျေးမှုထက်
ပိုမိုရှေးကျတယ်လို့ ယူဆရဖွယ်ရှိပြီး မြန်မာနိုင်ငံ
ရှေးဟောင်းသုတေသန တာဝန်ရှိပုဂ္ဂိုလ်များအနေနဲ့
ပတ်ဝန်းကျင်နိုင်ငံများက တူးဖော်မှုမှတ်တမ်းတွေကို
သတိပြုလေ့လာသင့်ပြီဖြစ်ပါတယ်။

ပုတီးစေ့တွေ့ရင် သက်တမ်းအတိအကျ သတ်မှတ်
နိုင်ခြင်းမရှိ၊ လုစ်ပြောသွားတဲ့အတိုင်း ပုဂံဘုရားမှန်
သမျှ  အေဒီ ၁၂-၁၃ ရာစု၊ အုတ်ခွက်ဘုရားတွေ့တာနဲ့
အနော်ရထာအုတ်ခွက်ဘုရား၊ ရှေးဟောင်းအုတ်ခဲစာ
တွေကို တွေ့ရင် မဖတ်တတ်တိုင်း ကိုယ်နဲ့မဆိုင်သလို
ကျော်သွားတဲ့ သုတေသနအမည်ခံ အံ့သြဖွယ်ရာပညာရှိ
များကို လုပ်ချင်သလိုဆက်လက် လုပ်ကိုင်ခွင့် ပေးနေဦးမယ်
ဆိုရင်ဖြင့် မြန်မာ့ယဉ်ကျေးမှုနဲ့ မြန်မာနိုင်ငံလူသားသမိုင်းဟာ
သူများနိုင်ငံတွေထက်စာရင် မှတ်တမ်းတင်နိုင်မှု အားနည်း
နေပါလိမ့်မယ်။ (မပြောမဖြစ်လို့ ပြောခြင်းဖြစ်ပါတယ်)

ကမ္ဘာကျော်ခဲ့ပေမည့် မြန်မာမကျော်ခဲ့သူ

ကမ္ဘာကျော်ပေမယ့် မြန်မာ မကျော်တဲ့သူ

မန္တလေးတက္ကသိုလ် ဘူမိဗေဒဌာနမှာ တာဝန်ထမ်းဆောင်ခဲ့တဲ့ ဆရာဦးဘမော်ဟာ ပုံတောင်ဂျီးဟား ခေါ်တဲ့ လွန်ခဲ့တဲ့နှစ်ပေါင်း သန်း ၄၀ကလူသားရဲ့ကျောက်ဖြစ်ရုပ်ကြွင်းမေးရိုးကို စတင်ရှာဖွေတွေ့ရှိခဲ့ တယ်။ လူသားများရေကြည်ရာမြက်နုရာ ပြောင်းရွှေ့နေထိုင်ခြင်းဆိုင်ရာ သီအိုရီအဟောင်းတွေကို လည်း ပြောင်းပြန်လှန်ပစ်ခဲ့တယ်။

ဆရာဦးဘမော်ကို ကိန်းဘရစ်တက္ကသိုလ်က International Man of the Year အဖြစ် ၁၉၉၉ ခုနှစ်မှာ ရွေးချယ်သတ်မှတ်သလို နိုင်ငံတကာ အတ္ထုပ္ပတ္တိမှတ်တမ်းပြုစုရာမှာ ထည့်သွင်းခံရတယ်။ အမေရိကန် ပြည်ထောင်စုက Smitsonian Institute က 50 Great Man of 21 Century လို့ သူ့ကိုထည့်သွင်း သတ်မှတ်တယ်။ နိုင်ငံတကာမှာ ထင်ရှားတဲ့သိပ္ပံဂျာနယ်တွေဖြစ်တဲ့ Nature တို့ Science တို့လိုနေရာ တွေမှာ ဆရာဦးဘမော်ကသုတေသနဆောင်းပါးတွေ ရေးသားတာမို့ နိုင်ငံတကာကထိပ်တန်းသိပ္ပံ ပညာရှင်လောကက လေးစားအသိအမှတ်ပြုခံရတယ်။

ဝါးလုံးခေါင်းထဲ လသာတယ်လို့ လူတွေပြောလေ့ရှိကြတယ်။ ဆရာဦးဘမော်ကတော့ အဲသည်စကားနဲ့ ပြောင်းပြန်။ သူကနိုင်ငံတကာ သိပ္ပံပညာရှင်လောကမှာ ထင်ရှားပေမယ့် မဆလခေတ်ပညာရှင်နယ်ပယ် မှာ အခွေအခေါက်ခံရတယ်။ သူ့လုပ်ရပ်ကို လူတွေကသိပေမဲ့ သူ့ကိုမသိကြဘူး။

တစ်မနက်မှာတော့ မန္တလေးမြို့က မော်ဒန်ဂျာနယ် အထက်မြန်မာပြည်ရုံးခွဲကို ဦးဘမော် ဆိုက်ကား တစ်စီးစီးပြီး ပေါက်ချလာတယ်။ အသက်က ၈၀ ကျော်ပြီမို့ ကျန်းမာရေးက ချူချာပုံရတယ်။ လွန်ခဲ့တဲ့ သက္ကရာဇ် ၂၀၀၀ ပြည့်နှစ်တုန်းက ပညာရှင်များ၏ ၂၁ ရာစုအတွေးသစ်အမြင်သစ်စာအုပ်ကို ရေးဖို့ ဆရာဦးဘမော်ကို ကျွန်တော်အင်တာဗျူးလုပ်ဖူးတော့ အချင်းချင်းရင်းနှီးနေကြပါပြီ။ ကျွန်တော်တို့ ရုံးခန်းကို သူရောက်လာတော့ စကားစမြည်ပြောဖြစ်ကြတယ်။ ဆရာက တောသား။ သူ့ငယ်ဘဝကို ကျွန်တော်ကမေးတယ်။

'ကျွန်တော့်ကိုမွေးတာက မုံရွာမြို့နယ် ကြာပိုင်ရွာ၊ အမှန်အတိုင်းပြောရရင် ဂျပန်ခေတ်တစ်ခေတ်လုံး ကျွန်တော်ကျောင်းမနေရဘူး၊ ဘုန်းကြီးကျောင်းလိုက်တာ၊ အဖေကလယ်သမား၊ ကျွန်တော်က အဖေနဲ့ လယ်ထဲလိုက်ရတယ်၊ ပျိုးပင်တွေထမ်းပေးရတယ်၊ တစ်ခါတော့ ကတွတ်ပေါက်နား ပျိုးစည်း တွေထမ်းရင်း လဲကျတယ်၊ အဖေ့ကို ကျွန်တော် တောင်သူတော့မလုပ်ပါရစေနဲ့တော့၊ ပညာပဲသင်ပါရစေလို့ ပြောလိုက်တယ်'

ဆရာဦးဘမော် အဲဒီအချိန်က ကတွတ်ပေါက်နားမှာ လဲကျလိုက်တာ အားလုံးအတွက် ကံကောင်းတာပဲလို့ ကျွန်တော်တွေးလိုက်မိပါတယ်။

'ဂျပန်ခေတ်ကုန်တော့ ကျွန်တော်က ၁၀ နှစ်သား၊ ကျွန်တော့်ဘကြီး အထက်တန်းပြဆရာကြီး ဦးစိုးဖေ က မုံရွာခေါ်ပြီး ပညာသင်ပေးတာ၊ ကျွန်တော်ကစာလိုက်နိုင်တော့ ငါးတန်းကစထားပေးတယ်၊ တစ်နှစ်တည်းနဲ့ ငါးတန်းအောင်တယ်'

'အောင်တော့' လို့ကျွန်တော်က စကားထောက်ပေးပါတယ်။

'ကျွန်တော့်အဖေက ချောင်ဦးသားဆိုတော့ ခြောက်တန်းကကိုးတန်းအထိ ချောင်းဦး State High School မှာနေတယ်၊ ကိုးတန်းမှာ မုံရွာ ဦးမောင်မောင် အမျိုးသားကျောင်းပြောင်းတက်တယ်၊ ဆယ် တန်းအောင်တယ်၊ တစ်နှစ်တည်းနဲ့အောင်တာပါ'

'တက္ကသိုလ်ဆက်တက်တော့'

'မန္တလေးတက္ကသိုလ်မှာ နှစ်နှစ်တက်တယ်၊ မန္တလေးတက္ကသိုလ်မှာ ဘူမိဗေဒသင်မယ့် ဆရာမရှိလို့ ရန်ကုန်ပြောင်းတယ်'

'အဲဒီအချိန်က ဘူမိဗေဒကခေတ်မစားသေးဘူး၊ ဘာကြောင့်ဆရာက စိတ်ဝင်စားရတာလဲ'

'သူငယ်ချင်းတစ်ယောက်က ဘူမိဗေဒယူတယ်၊ သူငယ်ချင်းယူတဲ့ဘာသာကို လိုက်ယူတဲ့သဘောပါပဲ'

ဆရာဦးဘမော်က ရိုးရိုးသားသားပဲ ပြောတယ်။ တက္ကသိုလ်တက်ဖို့ ရန်ကုန်မှာနေထိုင်ပုံကို ကျွန်တော် ကမေးတယ်။

'ဘုန်းကြီးကျောင်းမှာ ခဏနေတယ်၊ နောက်ကျသူငယ်ချင်းကိုဘိုနီနေတဲ့ သထုံဟောမှာနေတယ်၊ အမှန်အတိုင်း ပြောရရင် ကျွန်တော်တို့က ခိုးနေတာတစ်ယောက် စာအဆောင်ကြေးသွင်းပြီး ကျန်တဲ့ သူကကပ်နေတာ၊ ထမင်းတော့အပြင်မှာ ဝယ်စားတာပေါ့'

ကျွန်တော်က ဆရာ့နောက်ခံဘဏ္ဍာရေးကို မေးတယ်။

'ကျွန်တော်အဘွားက ချမ်းသာတယ်၊ လယ်တွေရှိတယ်၊ လယ်တွေရောင်းပေးနိုင်တယ်၊ ကျွန်တော်က ကျောင်းမှာစတိုင်ပင်လဲရတယ်'

'ဆရာကြီးရဲ့ သူငယ်ချင်းလဲ ဘူမိဗေဒဘွဲ့ပဲရသလား'

'သူက Chemistry မလိုက်နိုင်လို့ Geography ပြောင်းယူတယ်၊ ကျွန်တော်က မခံချင်တဲ့စိတ်ရှိတယ်၊ ဓာတုဗေဒကြောင့် စာမေးပွဲကျရမှာလားဆိုပြီး ဖိကြိုးစားတယ်၊ စာမေးပွဲမှာ objective question (ဓမ္မ ဓိဋ္ဌာန်မေးခွန်း) ၁၀၀ မေးရင် ကျွန်တော်က ၁၀၀ လုံးမှန်တယ်၊ ၁၉၆၀ ခုမှာ ဘီအက်စ်စီဘွဲ့ရတယ်'

'ဆရာကြီး ဘီအက်စ်စီဘွဲ့ရတော့ ဘာဆက်လုပ်သလဲ'

'ကျွန်တော်က အဲဒီအချိန်မှာ အိမ်ထောင်ကျနေပြီ၊ ၁၉၆၀ ခုဇန်နဝါရီ ၂ ရက်နေ့မှာ အိမ်ထောင်ကျ တယ်၊ အိမ်ထောင်ဖက်က မန္တလေးဆေးရုံကြီးက စစ္စတာ ဒေါ်အေးစီ၊ စာမေးပွဲအောင်စာရင်းလဲ ထွက် ရော ကျူတာလုပ်ချင်တယ်လို့ လျှောက်လွှာရေးတင်လိုက်တာ၊ နောက်နေ့ကျ ခန့်စာထွက်လာရော၊ ကျွန်တော် ဒါလောက်မြန်မယ်မထင်ဘူး'

'တက္ကသိုလ်မှာ ဆရာလုပ်ရင်း အမ်အက်စ်စီ ဆက်တက်တာလား'

'ကွာလီဖိုင်း requirement (လိုအပ်တဲ့ သတ်မှတ်ပြဋ္ဌာန်းချက်) ပြည့်အောင် နှစ်နှစ်တက်ရတယ်၊ requirement ဖြစ်တော့ thesis (ဘွဲ့အတွက် သုတေသနစာတမ်း) တင်ရတယ်၊ ၁၉၆၈ ခုမှာ အမ်အက်စ်စီရတယ်၊ ကွာလီဖိုင်းအပြီး ၁၉၆၅-၆၆ ခုမှာ မကွေးကောလိပ်မှာ ဘူမိဗေဒဌာန အသစ်ဖွင့် တော့ ဌာနမှူးအနေနဲ့ ပို့လိုက်တယ်'

'ဆရာကြီးကျ သုတေသန အလုပ်တွေကို ဘယ်လိုဝါသနာပါခဲ့တာလဲ'

'ကျွန်တော် မကွေးရောက်တော့ မကွေးနားက ရေနံထွက်တဲ့ဖလန်းညိုဆိုတာရှိတယ်၊ အဲဒီမှာ ရေနံ ထွက်တဲ့ ကျောက်တွေကို ကျွန်တော်လေ့လာတာ၊ ကျွန်တော်က ငယ်ငယ်တုန်းကတည်းက သုတေ သနဝါသနာပါတာ၊ ကျွန်တော်ရေးထားတာ စာတမ်းပေါင်း ၂၀ ကျော်ရှိတယ်၊ မကွေးမှာတုန်းက သစ်ရာကောက်ကိုလဲ သွားလေ့လာတယ်၊ ရှေးဆင်၊ အစောဆုံးဆင်ပေါ့၊ အဲဒီဆင်ရဲ့ ကျောက်ဖြစ်ရုပ် ကြွင်းတွေကို တွေ့တယ်'

မကွေးဒေသကိုသွားခဲ့တဲ့ ကျွန်တော့်ရဲ့ မိတ်ဆွေအချို့လည်း ယခုလောလောဆယ်ပဲ အလွန်ကြီးတဲ့ ဆင်အံကျောက်ဖြစ်ရုပ်ကြွင်းကြီးတွေကို ရှာဖွေရရှိခဲ့တယ်။ အစောဆုံးဆင်ပေါ့။ အင်မတန်ကြီးမားတဲ့ သွားကြီးတွေနဲ့ မေးရိုးကိုတွေ့တာဖြစ်တယ်။ သူကတော့ဒါဟာ ကမ္ဘာဦးကာလက ဒိုင်နိုဆောရဲ့ ကျောက်ဖြစ်ရုပ်ကြွင်းလို့ထင်တယ်။ ဆရာကြီးကိုမေးတော့ မဟုတ်ဘူး။ ဆင်ပဲလို့ပြန်ဖြေတယ်။

'ကျောက်ဖြစ်ရုပ်ကြွင်း ဘာသာရပ်ကို လေ့လာဖို့ မြန်မာနိုင်ငံမှာ နေထိုင်တဲ့ပညာရှင်တစ်ယောက် အနေနဲ့ စာအုပ်စာတမ်းလဲ ပြည့်ပြည့်စုံစုံမရှိဘူး၊ နှစ်သန်းပေါင်းများစွာ ကြာတာတွေကို သက်တမ်းတွေ ဆုံးဖြတ်ဖို့ ဓာတ်ခွဲခန်းလဲအဆင့်မီမီရှိတာ မဟုတ်ဘူး၊ ဆရာကြီးဘယ်လိုလုပ်သလဲ'

ဆရာဦးဘမော်က ရယ်မောတယ်။ ပြီးမှ ဆက်ပြောတယ်။

'ခင်ဗျားသေသေချာချာမှတ်ထား၊ MGSI-Memorial of Geological Survey of India ရယ်၊ RGSI-Record of Geogical Survey of India ကမြန်မာပြည်နဲ့ အိန္ဒိယမှာ လေ့လာထားတဲ့ paper (သုတေသနစာတမ်း) ၁၀၀ ကျော်လောက်ရှိတယ်၊ ရှိသင့်သလောက် ဒီမှာရှိတယ်၊ လေ့လာနိုင်တယ်'

'သက်တမ်းဓာတ်ခွဲတာ'

'မြန်မာပြည်မှာ လေ့လာလာပြီး specimen (နမူနာပစ္စည်း) ကို အိန္ဒိယမှာ တစ်ခုထားတယ်၊ လန်ဒန်မှာ တစ်ခုရထားတယ်၊ အဲဒါတွေကို သက်တမ်းခွဲခြားလေ့လာတယ်'

'ဆရာကြီး ပုံတောင်ကျောက်ဖြစ်ရုပ်ကြွင်းတွေ့ပုံကို ပြောပါဦး'

ဆရာဦးဘမော်က သူ့ပခုံးကိုကျော်ပြီး ဘယ်ညာကြည့်တယ်၊ ခုနေပြောလို့ သိပ်ကိစ္စရှိမယ်မထင်ပါဘူး လို့ စကားခံပြီးမှဆက်ပြောတယ်။

'၁၉၂၇ ခုက အင်္ဂလန်က ဒေါက်တာဘလက်ဂရင်းဆိုတာက ပုံတောင်ပုံညာဒေသ ဖန်ကန်ရွာအနီးမှာ စတွေ့ဖူးတယ်။ ဒါပေမဲ့ complete (ပြည့်စုံမှု) မဖြစ်ဘူး၊ ပြင်သစ်တွေ၊ အမေရိကန်တွေက မပြည့်စုံလို့ လက်မခံဘူး၊ ဒါကြောင့် အမေရိကန်က ဒေါက်တာဆဲဗစ်က သူ့တပည့် Dr.RL Ciochol (ဒေါက်တာစီ ရဟန်း) ကို တွေ့အောင်ရှာပါလို့ လွှတ်တယ်'

'သူနဲ့အတူတွဲပြီး ရှာကြရတာပေါ့'

'၁၉၇၆ ခုနှစ်မှာ အမေရိကန်က ဒေါက်တာစီရဟန်းလာလေ့လာတယ်၊ ကျွန်တော့်လာဆက်သွယ် တယ်၊ ကျွန်တော့်အတွက် ဒါက ဘာမျှမခက်ဘူး၊ ပုံတောင် formation (မြေသားဖြစ်ပေါ်မှုပုံစံ) ဆိုတာ က လွန်ခဲ့တဲ့ နှစ်သန်းပေါင်း ၄၀ ကပုံစံ၊ ဒီကောင်တွေ ရှိနိုင်တဲ့မြေအမျိုးအစားဆိုတာ သိတာပေါ့'

ကျွန်တော်တို့ရုံးက မသဲနုရင်က ဆရာဦးဘမော်ရှေ့ကစားပွဲပေါ်မှာ ကော်ဖီ၊ ရေနွေးကြမ်းတွေလာချ ပြီး ဧည့်ခံတယ်၊ ဆရာကြီးကလဲ ပြောရတာ အာခြောက်ပုံရတယ်။ ရေနွေးကြမ်းသောက်ပါတယ်။

'ကျောရိုးရှိသတ္တဝါတွေရှိနိုင်တာ ကျွန်တော်သိတယ်။ ကျွန်တော့်ကို (ဘူမိဗေဒ) ဌာနကလဲ လွှတ်တယ်၊ လူမိုက်နှင်းတောတိုးထည့်လိုက်တာနဲ့ တူပါတယ်'

ဆရာဦးဘမော်က ပြောရင်းပြုံးတယ်။

'အဲဒီဒေသက တစ်ချိန်က အလံနီကွန်မြူနစ်တွေ စိုးမိုးခဲ့တဲ့နေရာ၊ ကာရန်မတော်ရင် မြေမြုပ်မိုင်းတက် နင်းမိပြီး ခြေထောက်ပြတ်နိုင်တယ်၊ တောတွေ တောင်တွေထဲ ကျွန်တော်ကတော့ သွားတာပဲ'

'ဘယ်ကိုသွားတာလဲ'

'အရင်ကတွေ့ဖူးတဲ့ လက်စရှိတဲ့ဖန်ကန်ရွာကို သွားတယ်၊ ဖန်ကန်ရွညတောင်ဘက်မှာ clay deposit (အနည်ကျကျောက် ရွှံ့စေးတွေ) တွေ့တယ်၊ အဲဒီမှာ အရပ်အခေါ်ကတော့ ကျစ်ချောင်လို့ခေါ်တယ်၊ ဒီမှာဒါမျိုးတွေ့တယ်၊ အခြားဘယ်နေရာရှိသေးလဲ၊ ဒါမျိုးကျစ်ရှိတဲ့နေရာတွေလိုက်ပြပါလို့ ရွာသားတွေ ကိုခိုင်းတော့လဲ ကန်ရွာ လယ်ဒါးမရွာ၊ နောက်နေ့မိုးကောင်းရွာနားမှာ တွေ့တယ်'

'မိုးကောင်းရွာနားမှာ ပုံတောင်ကျောက်ဖြစ်ရုပ်ကြွင်းကိုတွေ့တော့ ဒါကအလွန်အရေးကြီးတဲ့ဟာ၊ သက်တမ်းနှစ်ပေါင်းဘယ်လောက်ကြာကြာက ဆိုတာတွေ့တွေ့ချင်း ဆုံးဖြတ်လို့ရသလား'

'ပြောနိုင်တာပေါ့၊ သူ့မြေ formation ကနှစ်သန်း ၄၀၊ ဒီထဲကတွေ့တာမို့ သက်တမ်းက ဒါလောက်ကြာ ပြီလို့ တန်းပြောနိုင်တယ်၊ ပုံတောင်ကျောက်ဖြစ်ရုပ်ကြွင်းမှာ molar (အံသွား) သုံးချောင်းပါတယ်၊ pre-mola ကသုံးချောင်းပါတယ်။ လူနဲ့နွယ်တာက pre-mola နှစ်ချောင်းပဲပါတာ၊ အံသွားတွေက အဆင့် မြင့်ရောအဆင့်နိမ့်ရောနဲ့တူလို့ အကုန်လုံးကလက်ခံတာ'

'ကမ္ဘာမှာတွေ့ခဲ့သမျှထဲမှာ ဒါကသက်တမ်းအကြာဆုံးလို့ ပြောနိုင်တာပေါ့'

'ပြောနိုင်တာပေါ့၊ အာဖရိကမှာတွေ့တဲ့ ကျောက်ဖြစ်ရုပ်ကြွင်းက သက်တမ်း ၂၈ သန်းပဲရှိသေးတာ၊ ကျုပ်တို့က သန်း ၄၀ ဆိုတော့ အစောဆုံးပဲဆိုတာသိပြီ'

'ဒေါက်တာစီရဟန်းကတော့ ကျောက်ဖြစ်ရုပ်ကြွင်းနမူနာယူသွားသေးသလား'

'မယူဘူး၊ plaster cast (ပလပ်စတစ်ပုံစံတူ) ပဲလုပ်ပေးလိုက်တာ၊ သူ့ဆရာကိုပြတော့ တွေ့ပြီကွဆိုပြီး သူ့ဆရာက ချက်ချင်းလိုက်လာတယ်၊ ကျွန်တော်ကလဲ ကျွန်တော့်ဆီမှာရှိတာကို ပြပေးလိုက်တယ်၊ ခုတော့ နေပြည်တော်မှာ National Treasure ဆိုပြီး အမျိုးသားပြတိုက်မှာ ဖန်ပေါင်းချောင်လေးနဲ့ ပြထားတယ်ပြောတာပဲ'

'အဲဒီတွေ့ရှိချက်အပေါ်နိုင်ငံတကာရဲ့ တုံ့ပြန်ချက်ကို ပြောပါဦး'

'ကျွန်တော်တို့ စာတမ်းဖတ်တယ်၊ စာတမ်းကို ဟို (အမေရိကန်) လဲပို့တယ်၊ Science ဂျာနယ်က cover story ဆိုပြီးထည့်တယ်'

'ဆရာကြီးကို နိုင်ငံတကာက အသိအမှတ်ပြု ဂုဏ်ပြုနေကြတဲ့အချိန်၊ ပြည်တွင်းက တက္ကသိုလ်လော ကမှာတော့ အတိုက်အခိုက်တွေခံရတယ်လို့ ကြားဖူးပါတယ်'

'ခံရတာပေါ့၊ ဒီလိုလုပ်ရကောင်းလားလို့ ပါမောက္ခက အစည်းအဝေးထဲမှာ ငေါက်တယ်၊ ကျွန်တော် ဘယ်ခံချင်ပါ့မလဲ'

'ဆရာကြီးရဲ့ ပုံတောင်ကျောက်ဖြစ်ရုပ်ကြွင်းကို တွေ့ရှိချက်က သိပ္ပံလောကအတွက် ဘယ်လောက် အကျိုးများသလဲ'

'ဒါဝင်ရဲ့ Evolution Theory (လူသားဆင့်ကဲဖြစ်တည်ပြောင်းလဲလာခြင်း အယူအဆ) မှာ missing link (ကွင်းဆက်ပြတ်နေတဲ့အချက်အလက်) တွေကို ဖြည့်နိုင်တယ်၊ မြန်မာတွေဟာ မွန်ဂိုလီယား တောင်ပေါ်ဒေသကနေ မြေပြန့်ကို ဆင်းလာတယ်ဆိုတဲ့ Migration Theory (လူသားများ တစ်နေရာ မှ တစ်နေရာသို့ ပြောင်းရွှေ့လာခြင်း အယူအဆ) လဲပျက်သွားတယ်၊ ဒီကနေမှ လူတွေပြန်သွားတဲ့ Divergent Theory (ခွဲဖြာထွက်ခြင်းအယူအဆ) ကို ကမန်တော်စာတမ်းရေးတယ်'

'အဲဒီလိုအကြောင်းအရာတွေ နိုင်ငံတကာပညာရှင်တွေဘက်က တုံ့ပြန်မှုကော'

'ပုံတောင်ကျောက်ဖြစ်ရုပ်ကြွင်းတွေ့ရှိမှုနဲ့ ပတ်သက်ပြီး နိုင်ငံတကာက မနုဿဗေဒပါမောက္ခ ၄၀ က ချီးကျူးဂုဏ်ပြုစာကို လက်မှတ်ထိုးပြီး ပို့ပေးကြတယ်၊ Drivergent Theory နဲ့ပတ်သက်တဲ့ စာတမ်းကို ဆန်ဖရန်စစ်စကိုတက္ကသိုလ်က ပါမောက္ခဂျက်ဗလွန်စကီက သိပ်သဘောကျတာ၊ ကျွန်တော်က Bioseen horse အကြောင်းလဲရေးတယ်၊ ဥရောပတိုက်သားတွေက အာရှမှာ အရင်ကမြင်းမရှိဘူးလို့ ယူဆတာ၊ ကျွန်တော်က သာစည်နယ်က လွန်ခဲ့တဲ့နှစ်သန်းပေါင်း ၁၄ သန်းကမြင်းရဲ့မေးရိုးနဲ့သွားကို တွေ့တာနဲ့ရေးတာ၊ ဥရောပတိုက်သားတွေရဲ့ အယူအဆပျက်သွားတယ်'

'ဆရာကြီးမွေးဖွားခဲ့တာက ကျေးရွာ၊ မိဘကလယ်သမား၊ ဆရာကြီးဘာကြောင့် ဒီအခြေအနေကို ရောက်လာတာလဲ'

'ဘူမိဗေဒဌာနမှာ နိုင်ငံတကာစာအုပ်တွေ အများကြီးရှိတယ်၊ ကျုပ်ကထုတ်ထုတ်ဖတ်တယ်၊ ဘာ ကြောင့်ဖတ်တာလဲဆိုရင် သူတို့လိုကိုယ်လဲ တတ်သင့်တယ်ထင်လို့၊ စာဖတ်တဲ့သူနဲ့ မဖတ်တဲ့သူ နှစ်ကြာလာတော့ စာဖတ်တဲ့လူက တိုးတက်တာပေါ့'

မော်ဒန်သတင်းဂျာနယ်

အမှတ်(၃၇၂)၊ သြဂုတ် ၃၀၊ ၂၀၁၃

Credit- ၀ံသာနု

ZinYawNews

ဗုဒ္ဓသာသနာ ပြန့်ပွားပုံ အနှစ်ချုပ်မြေပုံ

ဗုဒ္ဓသာသနာ ပြန့်ပွားပုံ အကြမ်းဖျင်း အနှစ်ချုပ်မြေပုံ
---------------------------------------------
၁။ အနက် အစက်ကလေးများသည် ဗုဒ္ဓ၀ါဒ ပြန့်ပွားခဲ့ရာ မြို့ ပြများ။
၂။ လိမ္မော်ရင့်ရောင်သည် ဗုဒ္ဓ၀ါဒ ဗဟို အိန္ဒိယနိုင်ငံ၊ ဂင်္ဂါမြစ်ဝှမ်း။
၃။ အ၀ါရင့်ရောင်သည် ယနေ့ခေတ်ထိ ထွန်းကားရာဒေသများ။
၎။ အ၀ါနုရောင်သည် တစ်ချိန်က ထွန်းကားခဲ့ရာဒေသများ။
၅။ အနက်ရောင် မြှားသည် အစောဆုံး ဗုဒ္ဓသာသနာ
၆။ အစိမ်းရောင်မြှားသည် ထေရ၀ါဒ ဗုဒ္ဓသာသနာ
၇။ အနီရောင်မြှားသည် မဟာယာန ဗုဒ္ဓသာသနာ
၈။ အပြာရောင်မြှားသည် ၀ဇိရယာန-တန္တရ ဗုဒ္ဓသာသနာ

(မြေပုံကို Gunawan Kartapranata, Indonesia မှ ရေးဆွဲ၍
wikipedia မှ ရယူသည်)

မောင်ဖေငယ်လို အချစ်

မောင်ဖေငယ်လို အချစ်
………………………………………………………
( ရာဇဝင်ထဲက ရင်နင့်ဖွယ် ဖြစ်ရပ်မှန်ဇာတ်လမ်း )

မောင်ဖေငယ် ဆိုတာ ဒိုင်းခင်ခင် ရဲ့ မိခင်ဖခင်တွေ ကမွေးစား ထားတဲ့မွေးစားသားပါ။ မောင်ဖေငယ်နှင့် ဒိုင်းခင်ခင် ကလဲ ငယ်တုန်း ကတော့ အကို နှင့် ညီမ မောင်နှမလို သိပ်ချစ်ကြတာပေါ့။ မောင်တော်နှင့် နှမတော် လို့ ခေါ်ကြသကိုး..

အရွယ်ရောက်လာတော့ သွေးသားမတော်စပ်မှန်းသိလာတော့ ရင်ထဲကအချစ်တွေဟာ ၅၂၈ မေတ္တာ ကနေ ၁၅၀၀အချစ်ပြောင်းသွားခဲ့ကြပါသတဲ့

မောင်ဖေငယ်နှင့် ဒိုင်းခင်ခင် တို့ ရဲ့ ခိုင်မြဲသော သံယောဇဉ် ကို သိလို့ သူတို့ နှစ်ဦး ကို လက်ထပ်ပေးဖို့ မိဘ၂ပါး ကလည်း ကတိပေးထားပြီးသားပါ ။

မောင်ဖေငယ်ဟာ ဒိုင်းခင်ခင် ကို ချစ်လိုက်တာ အူတုန် သဲလှိုက် ချစ်သလို ဒိုင်းခင်ခင် ကလဲ မောင်ကြီး မောင်ကြီးနှင့် မျက်စေ့အောက်က အပျောက် မခံနိုင်အောင်ပါဘဲတဲ့..

မောင်ဖေငယ်နှင့် သီပေါမင်းဟာ ငယ်သူငယ်ချင်းတွေ လို့ ဆို ပါတယ် .. တစ်ရက် မောင်ဖေငယ် နှင့် သီပေါ တို့ တွေ့ ကြရာမှာ ဒိုင်းခင်ခင် ကို မင်းသီပေါ မြင်သွားပါသတဲ့... မင်းသီပေါဟာ သူငယ်ချင်းရဲ့ ညီမဆိုပြီး သူငယ်ချင်း ကို ပြောပါသတဲ့ မင်းညီမတော် ကို သဘောတော်ကျတယ်ပေါ့..

အဲဒီမှာ မောင်ဖေငယ် ခေါင်းမြွေ ပေါက်တော့တာပါဘဲ.. နှမလို တစ်မျိုး ချစ်သူလို တစ်သွယ် ချစ်လာခဲ့တဲ့နှစ်တွေ သံယောဇဉ်တွေ.. မောင်ဖေငယ်နှဖူးပေါ်လက်တင်စဉ်းစား ရပြီပေါ့..

မောင်ဖေငယ်နားမှာ ဒိုင်းခင်ခင်လေးကတော့ဘာမသိညာမသိ
မောင်ကြီး နေမကောင်းတာလား... မောင်ကြီးစားမ၀င်တာလား ... အော် စုံလို့ ပေါ့ ပါးစပ်က တွတ်တီး တွတ်တာ ..အော်ချစ်နှမလေးပြောသမျှ ဆွဲလဲသံလေးပါဘဲ...

သူငယ်ချင်း ဖြစ်သူ သီပေါကလဲ အချိန်တော့ပေးပါရဲ့ အဲ နောက်ဆုံးတစ်ည... မောင်ဖေငယ် နှမတော် ကို ပြောရပြီပေါ့...

" နှမတော် ... နှမတော်ကို မောင်ကြီး သိပ်ချစ်တာ သိတယ်နော် ''

" အော်မောင်ကြီးရယ် နှမတော် ကို မောင်ကြီးချစ်တာ နှမတော်သိပါတယ်.. ''

" ဒါပေမယ့်  နှမတော် ..မောင်ကြီး ပြောချင်တယ်.. ''

" ပြောပါမောင်ကြီး .. ''

" မောင်ကြီး ကလေ နှမတော် ရဲ့ ဖခင် ..မိခင်တွေ စောင့်ရှောက်လို့ ကြီးပြင်းလာရတာ နှမတော်ရဲ့... ''

" အင်းလေ အဲဒါ နှမတော်သိသားဘဲ... ''

" မောင်ကြီးပြောချင်တာ နှမတော် မောင်ကြီးနှင့်လက်ဆက်ရင် ဘာမှဖြစ်လာမှာမဟုတ်ဘူးလေ.. ဟိုနေ့ က မောင်ကြီးသူငယ်ချင်း သီပေါနှင့် တွေ့ တော့ သူပြောတယ် နှတော် ကို သဘောကျလို့ တဲ့နှမတော်ရဲ့ ''

" အဲဒါဘာဖြစ်လဲမောင်ကြီး .. မောင်ကြီးနှင့် နှမတော် က လက်ဆက်ကြမယ် သူတွေလေ.. ''
"......''
" မောင်ကြီး ကိုနှမတော်ချစ်တယ် မောင်ကြီးကို မခွဲနိုင်ဘူး.. ''

" ဒါပေမယ့်နှမတော်ရယ် သီပေါ ကမ်းလှမ်းတာလက်ခံရင် နှမတော် ဘုရင်ကတော် ဖြစ်မှာ.. နှမတော် ဘ၀သာယာမယ်.. နှမတော် ဘ၀ချမ်းမြေ့မယ် မောင်ကြီးနှမတော်ကိုချစ်တာ ပိုင်ဆိုင်လိုမှု နှင့်ချစ်တာမဟုတ်ပါဘူး နှမတော်ဘ၀သာယာချမ်းမြေ့မယ်ဆိုရင် မောင်ကြီး ပီတိဖြစ်နေမှာပါ ..''

အဲလိုနှင့်အမျိုးမျိုးချော့ပြောပြတော့ ဒိုင်းခင်ခင်လဲ မောင်ကြီး ပြောသမျှ လက်ခံပါတယ် ..

အဲဒီည နှမတော်လေး ကို သီပေါဆီ လက်မဆက်ခင်မှာ ပူဆွေး ငိုကြွေးကြတာဟာ တောင်သမန် အင်းကြီးများ လျှံ လေမလား ပြောရလောက်အောင် အချစ်အတွက် ပူဆွေး ငိုကြွေးကြတာပေါ့.. ။

မောင်ဖေငယ်ထင်နေတာက ဒီတစ်ညတာ ပူဆွေးရပေမယ့်တစ်ဘ၀တာ နှမတော် အေးချမ်းသာယာမှု ကိုပါ ..
နှမတော် ဘ၀ သာယာဘို့ နှလုံးသားကို စတေး ပြီး ချစ်သူအတွက် အနစ်နာခံ ခဲ့တာပါ..။ မောင်ဖေငယ်နှင့် ဒိုင်းခင်ခင် တို့ ဘယ်လိုပင် ချစ်ကြသော်လည်း မပေါင်းခဲ့ကြရပါဘူး ။ ။

( *****  ပြာကျမှပြန်ပါ ***** ) 

ချစ်ရသူ ခင်ခင်ငဲ့၊
ဘဝင်မြင့်သက်ညှာ၊
ဆင်မသင့် ခက်ပါသည်၊
သက်သာရာမရ၊
သည်ကိုဖြင့် တိမ်းခဲ့ချော်ပြီ၊
စိမ်းနဲ့နော် ဘုန်းခင့်လာပ။

ကလာပ်စုရုပ်ကြွင်းကို၊
ပြုတ်ယွင်းယိုကာလ၊
ဖုတ်သင်္ဂြိုဟ်ဈာပန၊
ပြာကျမှ ပြန်ပါ၊
ဝဇီရာစိန်သံလျှင်းငယ်နှင့်၊
တရှိန်ချင်း လှမ်းချင်လို့မှာ။

ဝတိံဆင်း နန်းကိန္နရာလို၊
လျှမ်းထိန်ဝါဝေဝင်းနှင့်၊
ရွှေပယင်းငွေလက်တော်၊
ဘုန်းကိုင်ခဲ့နော်၊
အသုဘကမ္မဋ္ဌာန်းတော်ကို၊
ကြဌာန်းပျော် အိုရှုလှည့်လေး။ ။

(တောင်သမန်လယ်စား မောင်ဖေငယ် )

တောင်သမန်လယ်စား မောင်ဖေငယ် ကွပ်မျက်ခံရကာနီးတွင်
နောက်ဆုံးရေးသား၍ သူ့ကျေးဇူးရှိဖူးသူ မိုးကောင်းဝန်မင်းအား ပေးခဲ့သော တေးထပ် ဖြစ်ပါသည်။

အကွပ်မျက် မခံရမီ ရာဇဒဏ်ဖြင့် မိုးကောင်းသို့ ပို့ကာ မောင်ဖေငယ်အား ချုပ်နှောင်ထားလေသည်။ မိုးကောင်းမှ တဖန် သူ့အားကွပ်မျက်ရန် ဗန်းမော်သို့ ထပ်ဆင့်ပို့လိုက်ပြန်သည်။

ဗန်းမော်သို့ ပို့ကာနီးဆဲဆဲ မိုးကောင်းတွင် ချုပ်နှောင်ထားခြင်း ခံနေရစဉ် မောင်ဖေငယ်သည် သီပေါဘုရင် နှင့် စုဘုရားလတ် အပါးတွင် အလွန်ချောမောပြေပြစ်သော မိဘုရားအသစ်ကလေးတပါး အမြဲလိုလို တွေ့နေရသည်ဟူသော သတင်းကို ကြားသိလိုက်ရသည့်အခါ တိတ်တခိုးချစ်ရသော သူ့ညီမလေး ခင်ကြီး (ဒိုင်းခင်ခင်) တစ်ယောက် မိဘုရားအဖြစ် ပျော်ရွှင်စွာ စံမြန်းနေရပေပြီဟု ဝမ်းသာဝမ်းနည်း ဖြစ်မိရှာလေသည်။

ထို့ကြောင့်ပင် သူ့ရုပ်အလောင်းအား လာရောက် ရှု့စားတော်မူလှည့်ပါဟု သံတော်ဦးတင်လိုက်ခြင်း ဖြစ်ပေသည်။

(သို့ရာတွင် မောင်ဖေငယ် မသိလိုက်သည်မှာ
သူအလွန်ချစ်သော ညီမလေး ခင်ကြီး (ဒိုင်းခင်ခင်) သည် သီပေါဘုရင်၏ ရင်သွေးကို လွယ်ထားရင်း တိုင်တားမင်းကြီး၏ မြင်းဇောင်းထဲတွင် လျှို့ဝှက်အကျဉ်းစံဘဝဖြင့် ဆင်းရဲကျပ်တည်းစွာနေနေရရာမှ စုဘုရားလတ် လက်ချက်ဖြင့် လည်မျိုပေါ်ကျဆင်းလာသော ပါးကွက်သားများ၏ ဝါးစိမ်းဒုတ်ချက်ကို သနားစဖွယ်ခံစားရင်း သူ့ထက် အရင်ဦးစွာ လူ့လောကမှ ထွက်ခွာသွားရရှာလေပြီ ...) ။ ။

စကားချပ် ....... ချစ်သူရည်းစားများ ဟိုရှေးရှေး ကဆိုရင် တောင်သမန်အင်း ကို မသွားကြပါဘူးတဲ့ မပေါင်းဘက်ရဘဲ ကွဲမှစိုးလို့ တဲ့  ဦးပိန် တံတားပေါ်မှာ နားစရား ထိုင်ခုံလေးတိုင်းမှာ ကွဲခဲ့ ကြတဲ့ ချစ်သူတွေ မှတ်တမ်းတွေရေးထားတာများ... လွမ်းတတ် သနားတတ်ရင် ဖတ်ပီး ရင်မှာမချိစရာပါဘဲ

(အတွဲရှိသူတွေ အဲဒီဘက် မသွားကြနှင့်နော်)
တကယ်တေ့ာ မောင်ဖေငယ်လို အချစ်ဆိုတာ ရယူပိုင်ဆိုင်လိုခြင်းနှင့် ချစ်တာမဟုတ်ပါဘူး ပေးဆပ်လိုခြင်းပါ...

ခုခေတ်တော့ အဲလိုများရှိမလားမသိ... ရည်းစားလေးဖြစ်ပြီးမှမကြာ .. ဟိုရောက်ဒီရောက်.. အဲ..မောင်ဖေငယ်လို သန့် ရှင်းဖြူစင်သောချစ်ခြင်းဆိုတာ ရှားမှ ရှားပါဘဲ..

တကယ်တော့ စစ်မှန်သော မေတ္တာဆိုတာ မပိုင်ဆိုင်ရလဲ ချစ်သူဘ၀ သာယာနေရင် ကြည်နူးနေရမှာပါ...

ဒီစာကိုဖတ်ပြီး ကိုကို ညီညီ ရွှေမြန်မာ များ အမျိုးကောင်းသမီး လေးတွေ ကို နှမလိုတမျိုး ချစ်သူ လို တစ်သွယ် ချစ်တတ်မယ် ဆိုရင် ကြေနပ်နေမိမှာပါ.. ချစ်ညီမလေးတွေ ချစ်မမ တွေ လဲ မောင်ဖေငယ်လို စာနာတတ်သူနှင့်တွေ့ ပြီး အကြောင်းဆက် ပေါင်းဖက်နိုင်ကြပါစေ လို့  ဆန္ဒချွေလျှက် ။ ။

တောင်းပန်ချက် - shinnthant blogspot နှင့် zinphyo5 blogspot တို့မှ ဆောင်းပါး နှစ်ပုဒ်ကို လိုအပ်သလို စာသားများ ပြန်လည်ဖြတ်ညှပ်ပြီး ခံစားမိသလို စုပေါင်းတင်ပြလိုက်ပါသည် ။

.....Credit.....

@tzw